Кыргызстандын Монголиядагы элчиси Айбек Молдогазиев менен Монголиянын вице-премьер-министри Нямтайширын Номтойбаяр Бишкек шаарында жолугушуп, Бишкек менен Улан-Батор ортосундагы соода-экономикалык жана маданий байланыштарды бекемдөө маселелерин талкуулашты.
Жолугушууда эки тарап эки мамлекеттин ортосундагы кызматташтыкты өнүктүрүү жана мурдагы жогорку деңгээлдеги иш сапарлардын жана Кыргыз-Монгол өкмөт аралык комиссиясынын бешинчи жыйынынын чечимдерин ишке ашыруу боюнча практикалык кадамдар тууралуу сүйлөштү.
Айбек Молдогазиев кыргыз жана монгол комиссияларынын катчылыктары 2026-жылдын соңуна чейин бешинчи жыйындын протоколунун аткарылышын биргелешип текшерүүсү керектигин сунуштады.
Мындан тышкары, тараптар Евразия экономикалык биримдиги (ЕАЭС) менен Монголиянын ортосунда 2026-жылдын 22-июлунда күчүнө кирген убактылуу соода келишими аркылуу соода байланыштарды кеңейтүү мүмкүнчүлүктөрү жөнүндө маектешти.
Кыргызстандын элчиси бул келишимди толук ишке киргизүү үчүн эки өлкөнүн тиешелүү мамлекеттик органдары ветеринардык жана фитосанитардык талаптарды макулдашуу боюнча түздөн-түз активдүү кызматташуусу керектигин белгиледи.
