Талкууга корилген негизги маселелер
Жыйындын курамына мамлекеттик органдардын өкүлдөрү жана аймактардагы кыргыз улутунун өкүлдөрү катышты. Тлкууга корилген негизги маселелердин бири – этникалык кыргыз улутунун документтерин электрондук системаларга туура киргизүүдөгү кыйынчылыктар. Атайын «Түндүк» системасында маалыматтар толук чагылдырылбашы мамлекеттик кызматтарды алууда оор тоскоолдук жаратууда.
Кызмат көрсөтүүдөгү административдик тоскоолдуктар
Жарандардын күнүмдүк турмушуна таасир кылган башка маселелер да талкууга алынды. Аларга балдарды мектепке жайгаштыруу, медициналык кызматтарды алуу, кайрылман статусун тариздөө жана каттоо мөөнөттөрүнө байланыштуу административдик тоскоолдуктар кирет. Мындан тышкары, жубайлардын бири башка өлкөнүн жараны болгон үй-бүлөлөр үчүн мамлекеттик ипотекалык турак жай программаларына катышуу мүмкүнчүлүгү да каралды.
Аткарылган чечимдер
Жыйындын жыйынтыгы боюнча, Эмгек, социалдык камсыздоо жана миграция министрлигинин алдында министрдин биринчи орун басары Арлен Алиасовдун жетекчилиги астында жумушчу топ түзүү чечими кабыл алынды. Депутат Махабат Мавлянова, бул маселелерди мамлекеттик органдар менен биргеликте карап чыгып, мекендештердин укуктарын ишке ашыруудагы тоскоолдуктарды жоюу зарыл экендигин белгиледи.
