Депутаттардын жумушчу тобу Манас шаарынын аймагындагы мамлекеттик жана жеке мектептердин, ошондой эле балдар бакчаларынын ишмердүүлүгү менен таанышты. Текшерүү учурунда билим берүү мекемелеринин санитардык абалы, ошондой эле азык-түлүктү сактоо шарттары жана балдардын тамактануу сапаты изилденди.
№23 орто жалпы билим берүү мектебиндеги көйгөйлөр
Таш-Булак атындагы №23 мектепке барган учурунда шаардык кеңештин депутаты Уларкан Бекешованын балдардын тазалыгы жана коопсуздугу боюнча кырдаал тынчсыздандырды. Өзгөчө санитардык эмес абал чоң тынчсыздануу жаратты.
- Мектептин короосу мектептин дарбазасынан кирген жерден баштап таштандыга толгон.
- Имараттын ичинде чаң жана окуучулардын түкүрүк изи аныкталды, бул тазалыктын жана тартиптин сакталбаганын көрсөтөт.
- Мындай шарттарда балдардын ооруп калуу мүмкүндүгү жөнүндө тынчсыздануу көтөрүлдү.
Депутат Уларкан Бекешованын айтымында, мектептин жетекчилиги таштандынын топтолушун «Тазалык» муниципалдык ишканасына кайрылганы менен түшүндүргөнүнө карабастан, текшерүү учурунда мектептен бул уюмга эч кандай кайрылуу келбегенин аныкталды.
Мындан тышкары, мектептин жетекчилиги имараттын эскилигине шилтеме жасап, кошумча корпус куруу талабын койду, бул сунуш аткаруу бийлигине жөнөтүлөт.
