Жарандарды расмий эскертүү тартибиндеги өзгөрүүлөр
2026-жылдын 1-ноябрынан тартып Кыргызстанда соттор жана мамлекеттик органдар тарабынан жарандарды расмий эскертүү системасы өзгөрөт. Эми сот ишине катышуучуларга жана башка кызыкдар жактарга эскертүүлөр биринчи кезекте кепилденген жеткирүү кызматы аркылуу жөнөтүлөт.
Эгерде кепилденген жеткирүү кызматын колдонуу үчүн техникалык мүмкүнчүлүк же маалыматтар жок болсо, эскертүүлөр СМС-билдирүү, электрондук почта, башка ушул сыяктуу телекоммуникациялык формалар, ошондой эле буйрутма кат аркылуу таратылат.
- Сот ишине катышуучулар мындан ары телефонограмма, телеграмма же факсимилдик байланыш аркылуу эскертилбейт.
Бишкекте жер казуу иштерине чектөөлөр
2026-жылдын 1-ноябрынан 2027-жылдын 1-апрелине чейин Бишкекте асфальт-бетон жабындуу муниципалдык автомобиль жолдорунда жер казуу иштерин жүргүзүүгө ордерлерди берүү токтотулат.
- Чектөө муниципалдык ишканалардын жана подряддык уюмдардын буйрутмасы боюнча аткарылуучу иштерге тийбейт.
- Инженердик тармактардагы жана социалдык инфраструктура объектилериндеги авариялык-калыбына келтирүү иштерине жайылтылбайт.
Жаңы ордерлерди берүүнү токтотуу буга чейин берилген уруксаттар боюнча милдеттенмелерди жокко чыгарбаганын белгилеп кетүү маанилүү. Эски уруксаттардын негизинде башталган иштер, ошондой эле асфальт-бетон жабынды калыбына келтирүү белгиленген мөөнөттө аякташы керек.
