30-июлдан 1-августка чейин Тамчы аэропортунан Чолпон-Ата шаарына чейин бараткан жолдо унаа кыймылы кээде токтотулуп туруусу күтүлүүдө.
Бул тууралуу президенттин басма-сөз катчысы Аскат Алагозов билдирди. Кыймыл чектөөлөрү Өзбекстандын президенти Шавкат Мирзиёев менен Азербайжандын президенти Илихам Алиевдин мамлекеттик иш сапарлары менен байланыштуу.
Ошондой эле аталган күндөрү борбор калаада «Борбор Азия — Азербайжан» саммити өтүп, ага мамлекет башчылар катышат.
Алагозов кыска мөөнөттүү кыймыл чектөөлөрдөн улам жаралган ыңгайсыздыктар үчүн алдын ала кечирим сурап, элден бул эл аралык маанилүү окуяларга түшүнүү менен мамиле жасоону өтүндү.
