Ат-Башы райондук борбордук китепканасы китеп фондусун жеткирүү менен бирге, окурмандар саны да күндөн-күнгө өсүүдө. Китепкананын директору Курманжан Мускаева билдиргендей, китепкананын жаңы заманбап имаратка көчүүсү жана китеп фондусунун жаңыланышы жергиликтүү калктын окурман суранычын бир топ арттырды.
"Эски жайга салыштырмалуу, жаңы заманбап шарттары бар имаратка көчүү биздин ишибизге чоң дем-күч берди. Президенттин демилгеси менен ишке ашырылган "100 аталыштагы китеп" долбоорунун алкагында фондубуз олуттуу түрдө толукталды. Бизге узак убакыт издеген жана суралган баалуу тарыхый чыгармачылыктар менен бала адабияты келди. Ошондуктан окурмандар агымы үзгүлтүксүз болуп жатат," - деген ал.
Китепкананын материалдык-техникалык базасы да бекемделип, окуу үчүн жакшы шарттар түзүлгөн. Бүгүнкү күндө китепкананын негизги окурмандары катары жаштар жана мектеп окуучулары саналат. Ошондой эле пенсия курагындагы туруктуу окурмандар да үзгүлтүксүз келип турушат.
Мускаева белгилегендей, Ат-Башы райондук борбордук китепканасынын китеп фондусу аймакта эң бай фондулардын бири болуп эсептелет. Анын ичинде: кызмат көрсөтүү бөлүмүндө 32 987 китеп, ал эми балдардын бөлүмүндө 26 697 китеп бар.
Китеп фондусунун курамы
