Министрлер Кабинетинин башчысынын маалыматы боюнча, кайтарылган объекттер мурда мыйзамсыз пайдаланылып келген. Тактап айтканда, 2025-жылы мамлекетке 25 бала бакчанын имараты кайтарылса, 2026-жылы бул көрсөткүч 57 объектти түздү.

Педагогдордун каржылоосу жана айлык акылары

Адылбек Касымалиев ошондой эле билим берүү инфраструктурасын жаңылоо жана мугалимдерди колдоо боюнча отчетту сунуштады. Негизги өзгөрүүлөрдүн бири педагогдордун эмгек акысынын эки эсе көбөйүшү болду.

мугалимдин орточо айлыгы24 798 сом50 550 сом +104%

Мугалимдердин кирешесинин өсүшү менен бир катар окуу процессин камсыз кылууга кеткен чыгымдар да кыйла көбөйдү. Мектеп окуу китептерин басып чыгарууга бөлүнгөн каражаттын көлөмү 2021-жылдын көрсөткүчтөрү менен салыштырмалуу 22 эсеге өстү.

Билим берүү чөйрөсүн өнүктүрүү

1,4 млрд2026-ж. окуу китептерине сом
47 000мугалимдер ноутбуктар менен камсыз болду
220мектеп STEM-лабораторияларына ээ болот
53IT-кванториуму түзүлөт

Жогорку окуу жайларын жана инфраструктураны өнүктүрүү

Жогорку билим берүүнү модернизациялоо алкагында жаңы корпустардын курулушу жүрүп жатат. Мисалы, Жибек Жолу проспектисинде Жусуп Баласагын атындагы Кыргыз улуттук университети үчүн 16 кабаттуу имарат курулууда. Мындан тышкары, 26-сентябрда Бюбүсара Бейшеналиева атындагы КУК эстетика жана искусстволар университетинин беш кабаттуу корпусу ачылды, ага президенттик фонддон 990 млн сом жумшалган.

  • Өлкөдөгү мектептердин 70%дан ашыгында дуалдык окутуу программалары киргизилген.
  • 2040-жылга чейинки илимди өнүктүрүү Концепциясы бекитилди.