Бүгүн, 13-августта, Бишкек шаарынын мэри Айбек Джунушалиев "Бишкек ТЭЦ" муниципалдык ишканасына келип, анын күз-кышка даярдыгы менен таанышты.
Жыйынга мэрдин орун басары Нургазы Курманбеков, "Бишкек ТЭЦ" ишканасынын директору Нурлан Кульджигачев, башкы инженери Искандер Кокомбаев, "Бишкектеплоэнерго" ишканасынын директору Улан Айтиев, "Бишкектеплосеть" ишканасынын директору Уран Райымбеков жана Свердлов районунун башчысы Медербек Амангелдиев катышты.
Айбек Джунушалиев тиешелүү жетекчилерге күз-кыш мезгилине карата иштерди өз убагында жана сапаттуу бүтүрүү, ошондой эле бардык энергетикалык жана жылуулук обьектилеринин техникалык даярдыгын камсыздоо боюнча бир катар тапшырмалар берди.
Жыйындын жүрүшүндө бардык тиешелүү кызматтардын шаар тургундарын жылуулук жана электр энергиясы менен үзгүлтүксүз камсыз кылуу үчүн биргеликте иштешинин маанилүүлүгү белгиленди.
