Бишкекте көмүр кампаларында күчөтүлгөн көзөмөл уюштурулду. Бул атмосфералык абанын булганышын алдын алуу жана көмүрдүн сапатына карата талаптардын сакталышын камсыздоо боюнча иш-чаралардын алкагында жүрүп жатат, деп билдирет КР Жаратылыш ресурстар министрлиги.
Инспекторлор эмнени текшерет жана кандай чектөөлөр колдонулат
Текшерүүлөрдүн жүрүшүндө инспекторлор бир нече негизги аспектилерге көңүл бурушат. Атап айтканда, көмүрдүн фракциялык курамы, ошондой эле анын радиациялык фону көзөмөлдөнөт. Мындан тышкары, 0–13 мм өлчөмүндөгү майда фракциялуу көмүрдү киргизүү, сатуу, сактоо жана пайдалануу боюнча чектөөлөрдүн сакталышы текшерилет.
Көмүр кампаларынын ээлерине жана жооптуу адамдарга мыйзамдардын колдонуудагы талаптары түшүндүрүлүп, аларга эскертүү баракчалары берилүүдө. КР Жаратылыш ресурстар министрлигинин маалыматы боюнча, учурда ишкерлердин арасында 40 түшүндүрүү иш-чарасы өткөрүлдү.
Көмүрдү пайдаланууга чектөөлөр
Документтен
жулуу менен камсыздоо ишканаларына жеткирүүнү кошпогондо, Бишкек шаарынын жана Чүй облусунун аймагында 0–13 мм өлчөмүндөгү майда фракциялуу көмүрдү киргизүүгө, сатууга, сактоого жана пайдаланууга тыюу салынган.
Бул чаралар айлана-чөйрөгө тийгизген терс таасирди азайтууга жана отунду пайдалануунун коопсуздугун камсыздоого багытталган.
