Жогорку Кенештин VIII чакырык циклиндеги «Эл үмүтү Ата-Журт» депутаттык тобунун мүчөсү Дастан Бекешев жетекдеген депутаттар тобу майыптыгы бар адамдардын эмгек укуктарын камсыздоо максатында жаңы долбоор сунушташты. Документ Эмгек, Салык, Бюджет кодекстерине жана заняттуулук жөнүндө мыйзамдарга өзгөртүүлөрдү киргизүүнү көздөйт.

Квота жана төлөмдөрдүн өлчөмү

Сунушталган тартип боюнча, ар бир 25 кызматкерге бир жумуш орду квота катары белгиленет. Эгерде ишканада 25ден аз жумушчу болсо, алар бул милдеттен бошотулат. Ал эми квота аткарылбаган учурда, компания бюджетке ай сайын компенсация төлөйт. Төлөмдүн суммасы жашоо менен камсыздоо минимумуна негизделет.

Негизги көрсөткүчтөр

25кызматкерге бир квота
8 697,32айлык төлөм (сом)
104 000жылына болжол менен (сом)

Улуттук статистика комитетинин маалыматы боюнча, 2025-жыл үчүн орточо жылдык жашоо менен камсыздоо минимуму 8 697,32 сомду түзөт. Мисалы, 25 кызматкери бар, бирок майыптыгы бар бирөөсү иштебеген мекеме жылына болжол менен 104 миң сом төлөөгө милдеттүү болот.

Мисалдар

Эгерде ишканада 50 адам иштесе жана алардын ичинен бир гана майыптыгы бар жаран жумушта болсо, анда экинчи бош калган квота үчүн төлөм алынат.