10-ноябрдан 14-ноябрга чейин Болоньяда 47-EIMA International 2026 эл аралык айыл чарба техникасынын көргөзмөсү өтөт. Бул жылы Кыргызстандын делегациясын дүйнөлүк технологияларды изилдөөну жана жаңы ишкердик өнөктөштөрдү табууну пландаган сегиз уюм түзөт.
Агрардык сектор үчүн мүмкүнчүлүктөр
Кыргызстандык катышуучулар үчүн бул иш-чара чет элдик өндүрүүчүлөрдүн тажрыйбасы менен таанышуу жана эл аралык байланыштарды түзүү үчүн аянтча болот. Көргөзмөгө бүткүл дүйнөдөн окумуштуулар, эксперттер, саясатчылар жана агрардык бизнесдин өкүлдөрү чогулат.
Көргөзмөнүн уюштуруучусу — Италиянын айыл чарба техникасын өндүрүүчүлөрдүн федерациясы FederUnacoma техникалык семинарларды, иштеп чыгуулардын презентацияларын, дискуссияларды жана эл аралык конференцияларды камтыган мазмундуу программаны даярдаган. FederUnacemaнын маалыматы боюнча, тармак учурда карама-каршы мезгилде турат: заманбап техникага болгон жогорку муктаждык сакталып турганда, реалдуу сатуулар азаюуда, бул геосаясий факторлор менен байланыштырылууда.
Контекст
Кыргызстандын делегациясынын курамына төмөнкүлөр кирди: Кыргыз Республикасынын айыл чарбасын өнүктүрүү ассоциациясы, Eurasia Group Kyrgyzstan, OASIS AGRO, Turan Group, «Рамо» ассоциациясы, Agro Expert Group, Mez Alpha жана Salem Agro.
