Кыргыз-Орус Славян университети (КРСУ) 25-июль күнү өзүнүн 33 жылдык тарыхында биринчи жолу жалпы университеттик бүтүрүү кечесин уюштурду. Бул иш-чара "Жаштык Арена" спорт комплексинин чатырынын алдына 4,5 миңден ашуун адамды чогултту, бул университеттин тарыхындагы эң масштабдуу бүтүрүү кечеси болду.
Салтанаттуу иш-чарада бүтүрүүчүлөрдү Жогорку Кеңештин спикери Марлен Маматалиев, Россиянын Кыргызстандагы элчиси Сергей Вакунов, КРСУнун ректору Сергей Волков, илим, жогорку билим берүү жана инновациялар министринин орун басары Дурус Козуев жана Россиянын илим жана жогорку билим берүү министринин орун басары Ольга Петрова куттукташты.
Быйыл КРСУнун бакалавриат, специалитет, магистратура, ординатура, колледж жана мектеп бөлүмдөрүнөн 1128 бүтүрүүчү жогорку билим тууралуу дипломдорго ээ болушту. Окууда, илимде, коомдук, чыгармачыл жана спорттук ишмердүүлүктө өзгөчөлөнгөн мыкты студенттер университеттин өнөктөштөрүнүн атайын сыйлыктары менен сыйланышты.
