3-ноябрда болгон жолугушуунун жүрүшүндө тараптар Кыргызстан менен ЕЭК ООНдун ортосундагы практикалык кызматташтыкты мындан ары кеңейтүүгө өз ара кызыкдар экендиктерин тастыкташты. Өлкөнүн өнүгүүсүнө тиешелүү актуалдуу маселелер талкууланды.
Өнөктөштүктү чыңдоо багыттары
Кыргыз тарап ЕЭК ООН менен өз ара аракеттенүүнү мындан ары чыңдоонун маанилүүлүгүнө өзгөчө көңүл бурду. Транспорттук инфраструктураны өнүктүрүү, соода процедураларын жөнөкөйлөштүрүү, санариптештирүү, энергетика жана Кыргызстандын туруктуу экономикалык өнүгүүсү сыяктуу багыттарды колдоодо ЕЭК ООНдун белгилүү ролу белгиленди.
Аймактык экономикалык өнүгүүгө басым
Талкуунун алкагында Борбор Азия экономикалары үчүн Бириккен Улуттар Уюмунун Атайын программасынын (СПЕКА) ишмердүүлүгүнө өзгөчө көңүл бурулду. Атап айтканда, 2026-жылдын 4–5-ноябрында Бишкекте өткөрүлүүгө пландалган СПЕКА экономикалык форуму аймактык кызматташтыкты чыңдоо жана программага катышуучу мамлекеттердин экономикалык өнүгүүсү боюнча чечимдерди иштеп чыгуу үчүн маанилүү аянтча катары каралууда.
Жолугушуу Кыргызстандын тышкы иштер министри Жээнбек Кулубаев менен Бириккен Улуттар Уюмунун башкы катчысынын орун басары, ЕЭК ООНдун аткаруучу катчысы Татьяна Молчандын ортосунда болду.
