Жаңы эрежелер жерлердин деградациясынын, булганышынын жана эрозиясынын алдын алууга багытталган. Документке ылайык, участкалардын ээлери жана пайдалануучулары топурактын абалын начарлатуучу туздуулануу, суу басуу жана башка процесстер менен күрөшүү боюнча чараларды көрүүгө милдеттүү болот.
Курулушчуларга жана тоо-кен компанияларына коюлган талаптар
Өзгөчө көзөмөл курулуш, жер иштетүү жана тоо-кен иштерине тиешелүү болот. Аларды жүргүзүүдө топурактын түшүмдүү катмарын алууну жана сактоону алдын ала пландаштыруу зарыл, бул долбоордук документтерде милдеттүү түрдө чагылдырылышы керек.
Мыйзам долбоору бир катар катуу тыюу салууларды киргизет, анын ичинде:
- топурактын түшүмдүү катмамын жок кылуу
- топуракты курулуш таштандылары, калдыктар же түшүмсүз топурак менен аралаштыруу
- топуракты булгануу, суу басуу же жуулуп кетиүү коркунучу бар жерлерге топтоо
Алынган түшүмдүү катманы аймактарды жашылдандыруу, айыл чарба жерлерин жакшыртуу же бузулган жерлерди калыбына келтирүү үчүн колдонсо болот. Эгерде топурак эки жылдан ашык сакталса, ээлери аны көп жылдык чөптөрдү эгип, мисалы, бузулуудан коргоого милдеттүү.
Мониторинг жана көзөмөл
Нормаларды сактоо үчүн долбоор жерлерге пландалуучу жана пландаштырылбаган мониторинг жүргүзүүнү караштырат. Текшерүүлөр топурактын булгануу белгилери аныкталган учурда баш ителит.
