Кыргызстанда 2026-жылдын январь айынан июль айына чейин негизги капиталга салынган инвестициялардын көлөмү 238,3 миллиард сомду түздү. Бул көрсөткүч өткөн жылдын ушул мезгилине салыштырмалуу 1,6 эсе көп.
Улуттук статистика комитетинин биринчи орун басары Назара Керималиева ушул маалыматты басма сөз жыйынында билдирди. Ал инвестициялардын өсүшүнө ички жана тышкы финансылык булактар түрткү болгонун белгиледи.
Инвестициялар негизги тармактарга багытталган: транспорттук объектилерди куруу жана товарларды сактоочу жайлар, кен казуу, билим берүү, өндүрүштү жана электр энергиясын, газды жана бууну камсыздоо, иштетүүчү өнөр жай, ошондой эле турак жай куруу.
