Бүгүн күндүзкү саат төрттөрдө Бишкек шаарында көптөгөн тургундар электр энергиясынын үзгүлтүккө учураганын билдиришти. Калаанын ар кайсы райондорунда кыска мөөнөттүү өчүүлөр катталган.
Андан соң электр жарыгынын үзгүлтүккө учурашы Алматыда, Душанбе жана Ташкентте да байкалган. Бул окуя Борбордук Азиядагы бир канча өлкөлөрдүн энергетикалык тутумундагы маселелерге байланыштуу.
Казакстанда электр тармактарын башкарган компаниянын билдирүүсүнө ылайык, бул кырдаалга Токтогул ГЭСиндеги эки гидрогенератордун жалпы кубаттуулугу 600 МВт болгон иштен чыгуусу себеп болгон. Ошондой эле, Кыргызстан министрлиги буга чейин казак тараптагы жогору чыңалуу линиясынын үзүлүшү энергетикалык системанын изолятор режимине өтүшүнө алып келгенин билдирген.
