Азыркы учурда аймакта кант диабети менен ооруган бейтаптардын саны бир топко жетти. Нарын облустук үй-бүлөлүк медицина борборунун эндокринолог дарыгери Нуржамыйлы Кулукееванын маалыматы боюнча, учурда облустук каттоодо болжол менен 4 миң адам турат.
Каттоодогу бейтаптардын көрсөткүчтөрү
4 000бейтаптардын жалпы саны
50жаш өспүрүмдөр
3жашындагы эң кичинекей бейтап
Акысыз текшерүү жана алдын алуу иштери
«Кандагы канттын деңгээлиңди бил» аттуу эки күндүк иш-чаранын алкагында жарандар канттын өлчөмүн акысыз текшерте алышат. Бул мүмкүнчүлүк облустун бардык фельдшердик-акушердик пункттарында жана үй-бүлөлүк дарыгерлердин бардык топторунда жеткиликтүү. Андан сырткары, медицина кызматкерлери үчүн атайын семинарлар уюштурулуп, калкка оорунун белгилери жана алдын алуу жолдору боюнча түшүндүрүү иштери жүрүп жатат.
