Ош шаарында кыргыз-өзбек бизнес-форуми уюштурулуп, анда Өзбекстандан келген болжол менен 80 ишкер демилгеге катышты. Форумда эки элдин соода-экономикалык кызматташтыгын кеңейтүү жана биргелешкен долбоорлорду ишке ашыруу маселелери талкууланды.
Форумдун ачылышында шаар мэри Жанарбек Акаев эки өлкө ишкерлери ортосундагы кызматташтыкты бекемдөө жана жаңы биргелешкен долбоорлорду ишке ашырууну үмүт менен белгиледи.
Иш-чарага Кыргыз Республикасынын Тышкы иштер министрлигинин Ош, Жалал-Абад жана Баткен облустары боюнча ыйгарым укуктуу өкүлчүлүгүнүн кызматкерлери, Ош шаарындагы Өзбекстандын Башкы консулдугунун өкүлдөрү жана эки өлкөнүн бизнес коомчулугунун мүчөлөрү катышты.
Форумда соода-экономикалык кызматташтыкты кеңейтүү, инвестиция тартуу жана биргелешкен долбоорлорду жүзөгө ашыруу маселелери талкууланды.
Ош шаарында туризмдин потенциалы да катышуучуларга сунушталып, туристтик багыттарды өнүктүрүү жана инвестициялык мүмкүнчүлүктөр жөнүндө маалымат берилди.
Ошондой эле, коноктор шаарда ишке ашырылып жаткан ири инфраструктуралык, шаар куруу жана социалдык-экономикалык долбоорлор менен таанышты.
Азырынча комментарий жок. Биринчи болуңуз!
Жакшыраак сунуштарды алуу үчүн кириңиз
