Курулуш министрлигинин билдирүүсүнө ылайык, азыркы учурда адистер Өзбекстандан келген ПВХ продукциясынын сапатын жана белгиленген стандарттарга жооп берүүсүн текшерүүдө.
Текшерүү кандай өтүүдө
Текшерүү иштери Курулуш боюнча республикалык сертификациялоо борборунун Түштүк регионалдык башкармалыгынын адистери тарабынан Алымбек датка көчөсүндөгү складда жүргүзүлүүдө. Адистер продукциянын сапатын аныктоо үчүн бир нече параметрди карап чыгууда.
- Буюмдардын жасалуу сапаты жана геометриялык өлчөмдөрү
- Калыңдыгы жана беттеринин абалы
- Жаракалардын, деформациялардын жана сыныктардын бар-жолу
- Маркировкалар жана коштоп жүрүүчү документтер
Лабораториялык изилдөөлөрдүн жыйынтыгы боюнча буюмдардын колдонуудагы ченемдик документтердин талаптарына канчалык деңгээлде жооп берерин аныктоо белгиленген. Бул иш-чаралар курулуш материалдарынын сапатын жана коопсуздугун көзөмөлдөө максатында жүргүзүлүүдө.










