13-ноябрда Жогорку Кенештин конституциялык мыйзамдуулук, мамлекеттик түзүлүш, жергиликтүү өз алдынча башкаруу жана регламент боюнча комитетинин депутаттары омбудсмен институту менен биргеликте СИЗО-1де текшерүү жүргүзүштү. Мониторинг учурунда парламентдин вице-спикери Болот Ибрагимов, тиешелүү комитеттин төрагасы Гүлнара Акимбаева, депутаттар Мирлан Жеенчороев жана Улан Сариев, ошондой эле омбудсмен Жамиля Джаманбаева эркектер жана аялдар үчүн камераларга кирип текшеришти.
Тергөө жана медицина боюнча даттануулар
Парламенттин жана акыйкатчы институтунун пресс-кызматынын маалыматы боюнча, текшерүү учурунда ондон ашык кармалган адамдар менен мекеме кызматкерлеринин катышуусуз сүйлөшүүлөр жүргүзүлдү. Жарандардын негизги доозму жарашылар, тергөө иш-аракеттеринин объективдүү эместиги жана медициналык тейлөөнүн сапаты боюнча болду.
Атап айтканда, камакка алынган адамдар дары-дармектердин жана дарыгерлердин жетишсиздигин белгилешти. Медициналык бөлүмдү карап чыгууда мекемеде кызматкерлердин жетишсиз экендиги аныкталды.
Медициналык бөлүмдү текшерүүнүн жыйынтыктары
Өзгөчө көңүл тез арада кийлигишүүнү талап кылган учурларга бурулду: камактагылардын бири боор алмаштыруудан кийин текшерүүдөн өтүүгө муктаж, ал эми I топтун майыптыгы бар дагы бирөө көрүүсү кескин начарлаганын билдирди. Депутаттар СИЗОнун жетекчилигине бул жарандар үчүн зарыл болгон дарылоону уюштурууну тапшырышты.
Кармалган адамдар менен жолугушуулар
Визит учурунда комитет мүчөлөрү Либералдык-прогрессивдик партиянын төрагасы Максат Кунакунов, ошондой эле Кадырбек Атамбаев жана Темирлан Султанбеков менен жолугушту. Максат Кунакуновго уулунун каза болгон маселеси боюнча депутаттык комиссия түзүлгөндүгү тууралуу маалымдалды.
Изолятордогу кармоо шарттары жөнүндөгү суроолорго жооп катары мекеме жетекчилиги жакын арада СИЗО-1 жаңы имарга көчүөрүн, ал жерде шарттар белгиленген стандарттарга жооп берерин билдирди.
