Профессор, академик Чолпонкул Арабаев «Кабар» агенттигине берген маегинде, Азербайжано-Кыргыз өнүктүрүү фонду жана Өзбекстан-Кыргыз өнүктүрүү фонду сыяктуу механизмдердин аймактык интеграция үчүн маанисин баса белгиледи.
Ал дүйнөлүк аренада геополитикалык кырдаал өзгөрүп жаткан учурда, Борбордук Азия өлкөлөрүнүн бир тууган элдери катары биримдикте болушу өтө зарыл экенин айтты.
Арабаевдин айтымында, Борбордук Азия өлкөлөрү ички жана тышкы саясатын биргеликте аныктоо керек жана биргеликте аракет кылышса гана тышкы чакырыктарга туруштук бере алуу мүмкүн.
Чолпон-Атада өтүп жаткан Борбордук Азия мамлекеттери башчыларынын жана Азербайжан президентинин консультативдик жолугушуусу Кавказдагы өнүгүп жаткан мамлекет менен диалогду жаңы деңгээлге чыгарып, кызматташтыкты бекемдөө үчүн маанилүү аянтча болору белгиленди.
Арабаев Азербайжанды бир тууган мамлекет катары мүнөздөп, жалпы руханий баалуулуктар, дин жана тарых аркылуу жакындыгын белгиледи.
