Президент Садыр Жапаров Борбор Азия мамлекет башчылары жана Азербайжандын лидерлери менен неформалдык консультативдик жолугушууда аймактык кызматташтык акыркы жылдары жаңы сапатка жеткенин белгиледи.
Анын айтымында, мамлекеттер ортосунда мамлекеттик чек аралар боюнча принциптүү жана тарыхый келишимдерге жетишилди. Бул болсо аймакта туруктуулуктун бекемделишине шарт түздү.
Ошондой эле мамлекеттер эл аралык ареналарда бири-бирин колдоп жаткандыгы белгиленди.
Садыр Жапаров Кыргызстанды 2027-2028-жылдарга КООН Коопсуздук Кеңешинин туруктуу эмес мүчөсү катары шайлоого колдоо көрсөткөнү үчүн ыраазычылык билдирди.
Ал Ташкентте кабыл алынган Борбор Азия мамлекет башчыларынын КООНго кайрылуусу регионалдык биримдиктин ачык мисалы экенин айтты.
Кыргызстандын бул маанилүү эл аралык алаканы пайдаланып, региондун жалпы кызыкчылыктарын алдыга жылдырууга аракет кылаары белгиленди.
Ошондой эле, Жапаров транспорттук байланыштарды өнүктүрүү – орток иштердин негизги багыты болооруна токтолду. Бул багытта темир жол, автоунаа, авиация жана мультимодалдык транспорттук долбоорлор ишке ашууда.
Мындан тышкары, ал Ысык-Көл аймагы байыртан маданий байланыштардын жайы болгонун, бүгүнкү жыйналыштын неформалдык мүнөзү пикир алмашууга чоң салым кошоорун белгиледи.
