Азыркы учурда курулуш иштерин жүргүзүү же очокту реестрден чыгаруу мыйзамда белгиленген процедураларды сактабастан мүмкүн эмес. Министрликтин маалыматы боюнча, мындай иш-аракеттер үчүн илимий изилдөөлөрдү жана ведомстволор аралык комиссиянын ишин камтыган төрт этаптан өтүү талап кылынат.
Санитардык-коргоо зонасына карата талаптар жана учурдагы абал
Казыбек айылы, Абдыразаков көчөсү, 9 дареги боюнча жайгашкан күйдүргү очогу алгач 2017-жылдын сентябрында катталган жана 1-топтогу өтө коркунучтуу очок катары классификацияланат. 2023-жылдын 29-сентябрындагы №517 Министрлер кабинетинин токтомунун 146-пункту менен белгиленген нормалар боюнча, мындай очоктор үчүн санитардык-коргоо зонасынын минималдуу аралыгы 1000 метрди түзүшү керек.
Бирок азыркы учурда бул коркунучтуу аймактын айланасындагы санитардык зонада айылдын турак жайлары жана мектеп жайгашкан, бул болгону 300 метрди түзөт.
Коркунучтуу зонаны кыскартуу процедурасынын этаптары
- К.И. Скрябин атындагы Кыргыз улуттук агрардык университетинин жана А.Дуйшеев атындагы Кыргыз илимий-изилдөө ветеринардык институтунун адистеринен түзүлгөн илимпоздор тобу жүргүзө турган илимий изилдөө.
- Ветеринардык кызматтын жетекчилиги астында атайын жумушчу топ түзүү.









