Өзгөчө кырдаалдар министрлигинин (ӨКМ) басма сөз кызматы Көл-Төр көлүндөгү суунун деңгээли жогорулагандыгына байланыштуу, адистер көлгө көзөмөлдү күчөткөнүн маалымдады.
Маалыматка ылайык, бийик тоолуу көлдөгү суунун деңгээли кадимки көрсөткүчтөрдөн жогору болгон.
Текшерүүнүн жыйынтыгында, бийлик көлдүн абалына туруктуу көзөмөл орнотуу чечимин кабыл алды.
Суунун жарылып кетүүсүн алдын алуу максатында жергиликтүү бийликке атайын жабдууларды орнотуу үчүн каражат бөлүү тапшырылып, аларды ӨКМ адистери орнотот.
ӨКМ башчысынын орун басары Алмазбек Асанов бул маселени мүмкүн болушунча тез арада чечүүнү тапшырды. Жыл башынан бери ведомствонун адистери бул көлдү үч жолу текшеришкен.
Эске салсак, 2025-жылдын 27-июнунда Чүй облусунун Ысык-Ата районундагы Такыр-Төр көлү жарылып, 950 адам коопсуз жайларга эвакуацияланган болчу.
