Форумду өткөрүү жөнүндө чечим Ташкентте 3–5-ноябрда өткөн III конференциянын жүрүшүндө кабыл алынган. Кыргызстан C5+1 масштабдуу регионалдык иш-чарасынын уюштуруучусу жана кабыл алуучу тарабы катары чыгат.
Кытай жана Өзбекстан менен авиациялык каттамдарды кеңейтүү
КР Министрлер Кабинетине караштуу Жарандык авиация мамлекеттик агенттигинин делегациясы тармакты өнүктүрүү жана региондогу байланыштарды чыңдоо маселелерин талкуулоого катышты. Форумдун алкагында кыргыз адистери бир катар маанилүү жолугушууларды өткөрүштү.
Аныктап айтканда, Кыргызстандын өкүлдөрү Кытайдын Жарандык авиация башкармалыгынын (CAAC) делегациясы менен эки өлкө ортосундагы авиамаршруттардын жыштыгын көбөйтүү жана кеңейтүү мүмкүнчүлүктөрүн талкуулашты. Ошондой эле Өзбекстандын авиациялык бийлик органдары менен эки тараптуу сүйлөшүүлөр өтүп, аба линияларын өнүктүрүү келечеги каралды.
Конференциянын максаттары
Кыргызстанда 2027-жылы өтө турган форумдун негизги милдети — Борбордук Азия өлкөлөрүнүн жана Кытайдын авиациялык администрацияларынын ортосундагы өз ара аракеттенүүнү чыңдоо, ошондой эле авиация тармагындагы эл аралык кызматташтыктын жаңы багыттарын аныктоо болуп саналат.
