Кыргызстан менен Өзбекстан эки тараптуу туристтик агымды 10 миллион адамга жеткирүүнү көздөөдө. Бул тууралуу Туризмди өнүктүрүү мамлекеттик агенттигинин директору Эдуард Кубатов билдирди.
2025-жылы Өзбекстандан Кыргызстанга келген туристтер 6,5 миллиондон ашып, Кыргызстандык туристтердин Өзбекстанга баруусу болжол менен 2,5 миллиондон турган.
Кубатовдун айтымында, Өзбекстан Кыргызстан үчүн туризм тармагындагы негизги стратегДүк өнөктөш болуп саналат. Эки өлкөнүн саясий жана экономикалык байланышы жогору деңгээлде өнүккөн.
Азыркы учурда туризм тармагындагы кызматташууну жаңы деңгээлге чыгаруучу маанилүү документтер даярдалып жатат. Анын ичинде негизги багыт чек араны кесип өтүүнү жөнөкөйлөтүү жана туристтерге шарт түзүү болуп саналат.
Кыргызстан менен Өзбекстан арасындагы туристтердин агымын жакынкы эки жылда 10 миллион адамга жеткирүүгө мүмкүнчүлүк бар.
Туристтик агымдын өсүшү чек арадагы аймактардагы экономикага оң таасирин тийгизип, эки мамлекеттин улуттук экономикасын өнүктүрүүгө салым кошот.
Мындан тышкары, Борбор Азия дүйнөлүк туристтик багыт катары калыптанып жатканы, Кыргызстан, Өзбекстан, Казакстан жана Тажикстан бирдиктүү туристтик мүмкүнчүлүктөрдү түзүү максатында аракет кылууда.
