Ден соолук сактоо министри Дамир Осмонов "Биринчи балдар хосписи"не барып, балдар, алардын ата-энелери жана медицина кызматкерлери менен жолугушту.
Мамлекеттик колдоонун алкагында сегиз балага үйдө колдонуучу ИВЛ аппараттары берилди. Мындан тышкары тогуз балага бир жылдык ажырагыс медициналык каражаттардын запасы сунушталды.
"Биринчи балдар хосписи"нын негиздөөчүсү Динара Умарджан Дамир Осмонов мырзанын ачылганынан бери алгачкы болуп хосписке келип жатканын белгиледи.
2016-жылы ишке кирген "Биринчи балдар хосписи" Кыргызстанда балдарга паллиативдик жардам көрсөтүүчү жалгыз адистештирилген мекеме болуп саналат.
Динара Умарджан министрдин баруусу балдарга паллиативдик жардамдын системалуу түрдө өнүгүшүнө жана мамлекет, медицина коомчулугу менен хоспис арасында тыгыз кызматташтыкка жаңы кадам болорун үмүттөнөрүн билдирди.
