Эмгекке жарамдуу курактан ашкан аялдар үй чарбасын жүргүзүүгө жана балдарды кароого эркектерге караганда төрт эсе көп убакыт жумшашат. Бул маалыматтар Эмгек, социалдык камсыздоо жана миграция министрлиги тарабынан сунушталган «Кыргыз Республикасында калктын карышы жана кедейлик» аттуу серептен алынган.
Үй чарбасы жана балдарга жумшалган убакыт
Изилдөөлөр боюнча, эмгекке жарамдуу курактан ашкан аялдар күнүнө орточо эсеп менен 207 мүнөт үй чарбасын жүргүзүүгө жумшаса, эркектердин бул көрсөткүчү болгону 59 мүнөттү түзөт. Балдар жана неберелер менен убакыт өткөрүү жагында да чоң айырмачылык байкалат.
Күнүнө орточо убакыт
Айыл жана шаардык жерлердеги көрсөткүчтөр
Жайлоодо жашаган кыргызстандык аялдар балдарды кароого күнүнө 48 мүнөт бөлүшсө, эркектер 5 мүнөт гана жумшашат. Шаарларда бул көрсөткүч аялдар үчүн 12 мүнөт, ал эми эркектер үчүн 1 мүнөт түзөт.
Изилдөөнүн максаты
Министрликке ылайык, бул сереп карыган адамдардын социалдык-экономикалык абалын, демографиялык тенденцияларды изилдөөгө жана алардын арасында кедейликти алдын алуу боюнча мамлекеттик саясаттын артыкчылыктарын аныктоого мүмкүндүк берет. Изилдөөнү БУУнун Калк боюнча фондунун (ЮНФПА) техникалык колдоосу менен «Карылар үчүн ресурстук борбор» ЖАК жүргүзгөн.









