Кыргызстан 2026-жылдын январь-май айларында 1 494 жүк ташуучу унааны башка мамлекеттерге экспорттоого жетишти. Бул көрсөткүч былтыркы жылдын ушул эле мезгилине салыштырмалуу 3,7 эсеге көп.

Экспорттун суммасы 3,1 миллион доллардан 35,7 миллион долларга чейин көбөйдү, башкача айтканда 11,6 эсеге өскөн.

Экспорттун негизги багыты Россия болуп калды. Россияга жалпы экспорттолгон унаалардын 1 249у же 83,6 пайызы сатылды. Былтыр бул көрсөткүч 369 унаа болгон.

Россияга экспорттолгон автоунаалардын наркы 28,5 миллион долларды түздү. Ошондой эле Кытайга 93, Өзбекстанга 81 унаа жөнөтүлдү.

Өзбекстанга экспорттун наркы 2,7 миллион доллар болсо, Кытайга 1,5 миллион доллар болду.

2026-жылы жаңы багыттар пайда болду: Тажикстан, Абхазия, Литва, Түркия жана АКШ. Бул өлкөлөргө 2ден 11ге чейинки унаалар экспорттолду.

Азербайжанга унаа экспорттору токтотулду. Былтыр бул өлкөгө 2 унаа жана 91 миң долларлык автоунаа жөнөтүлгөн.