Азыркы учурда өлкөдөгү бардык коммерциялык банктар өз тартибинде иштеп жатат. Алар улуттук жана эл аралык системалар аркылуу төлөмдөрдү жүргүзүү менен бирге, кызматтардын толук спектрин сунуштауда. Бул тууралуу Улуттук банктын расмий билдирүүсүндө айтылды.
Маалыматтын тактыгын текшерүү сунушталат
Регулятор мессенджерлерде жана социалдык тармактарда жайылган маалыматтардын расмий тастыктамасы жок экенин баса белгиледи. Жарандарга ар кандай маалыматтарды Улуттук банктын же коммерциялык банктардын расмий булактарынан гана текшерүү зарылчылыгын эскертти.
Банктык система туруктуу жана бекем. Улуттук банк кырдаалды туруктуу көзөмөлдөп турат жана зарыл болгон учурда төлөм системаларынын үзгүлтүксүз иштешин камсыз кылуу үчүн бардык чараларды көрөт.
Банк кызматтары боюнча суроолор жаралса, банктардын расмий сайттарына, колл-центрлөргө же социалдык тармактардагы аккаунттарына кайрылуу сунушталды.
Маалымат
1991-жылы негизделген Улуттук банк Кыргызстандын каржы рыногун жөнгө салуучу башкы орган болуп саналат, штаб-квартирасы Бишкек шаарында жайгашкан.






