Улуттук статистика комитетинин маалыматы боюнча, сооданын өсүшүнө өлкөдөн сыртка чыгаруу жана чет өлкөлөрдөн товар алып келүү көрсөткүчтөрүнүн жогорулашы себеп болду.
Соода динамикасы
ЕАЭСТдеги сооданын өзгөчөлүктөрү
Евразия экономикалык бирлигине мүчө мамлекеттер менен өз ара соода 5,2 млрд долларды түздү. Бул көрсөткүч мурунку жылдын ушул мезгилине салыштырмалуу 11,3%га көбөйгөн. Бирок бир жагынан, ЕАЭСТке карата экспорт 8,2%га азайса, импорт 16,5%га жогорулаган.
Бул бирлик менен болгон сооданын негизги бөлүгү эки мамлекетке туура келет. Улуттук статистика комитетинин төрагасынын орун басары Бакытбек Шокенов белгилегендей, Россия жана Казахстан сооданын 96,7%ын камсыз кылган.
ЕАЭСТ менен сооданын бөлүштүрүлүшү
Улуттук статистика комитети
| Россия | 61,5 % |
|---|---|
| Казакстан | 35,2 % |
Үчүнчү өлкөлөр менен соода
Жалпы сооданын 63,3%ы башка өлкөлөр менен жүргүзүлгөн. Үчүнчү тараптар менен сооданын көлөмү 8,9 млрд долларды түзүп, өткөн жылдын ушул мезгилине салыштырмалуу 20%га өскөн.
Сооданын жалпы түзүмүндө импортдун үлүшү 81%, ал эми экспортдун үлүшү 19%ду түзөт.








