Мамлекеттик маданият, маалымат жана жаштар саясаты министри Мирбек Мамбеталиев 20-ноябрда М. Куренкеев атындагы Кыргыз улуттук музыкалык окуу жайынын жаңы имаратынын курулушунун жүрүшү менен таанышты. Бул тууралуу ведомствонун пресс-кызматы билдирди.
Жаңы имараттын мүмкүнчүлүктөрү
Жаңы сегиз кабаттуу комплекс студенттердин окуу шарттарын жана жашоо деңгээлин кыйла жакшыртууга мүмкүндүк берет. Имараттын ичинде окуу кабинеттери, жеке сабактар жана ансамбль-оркестрлердин репетициялары үчүн атайын бөлмөлөр, тамактануучу жай жана концерттик зал түзүлөт.
Жаңы имараттын курулушу мурунку имаратка караганда алда канча чоң мүмкүнчүлүктөрдү түзөт. Бул долбоор студенттердин аткаруу чеберчилигин өркүндөтүү жана заманбап окуу базасын түзүү максатында ишке ашырылууда.


















