"Билим Next" билим берүү форумунун алкагында Бабур Тольбаев мектеп директорлоруна өзүн өнүктүрүү жана жамааттын сапатына жооп берүү боюнча сунуштарын айтты.

Жетекчи жана команданын байланышы

Ишкердин айтымында, мугалимдердин ишмердүүлүгүнүн сапаты түздөн-түз мектеп директорунан көз каранды. Ал команданы лидердин уландысы катары мүнөздөп, директор мугалимдердин деңгээлине нааразы болсо, бул анын өзүнүн жетекчилик сапатына белги болгондугун белгиледи.

Эгер сен мектеп директору катары мугалимдерден канааттанбасаң, анда өзүңдөн канааттанбашың керек. Эгер сен бирөөгө бармак менен көрсөтүп, ал жаман мугалим десең, төрт бармак сага карап турат. Бул сен жаман директор экениңди билдирет.
Бабур Тольбаев

Өнүгүү жолдору жана өзгөрүүлөр

Жетекчи өзүнүн интеллектуалдык жана физикалык деңгээлин жогорулатуу үчүн тынымсыз иштеши керек. Буга китеп окуу, баарлашуу маданиятын жана жүрүм-турумду жакшыртуу кирет. Ошондой эле, мектептеги чөйрөнү жана атмосфераны түзүү үчүн жоопкерчилик дагы жетекчиде турат.

Өзгөрүүлөрдү киргизүүдө бир заматта чоң жыйынтыкка жетүүгө аракет кылбай, кичинекей кадамдар менен ырааттуу жүрүү маанилүү экени айтылды.