Республиканын билим берүү системасында мамлекеттик да, жеке уюмдар да иш алып барышат. Алардын баары жалпы милдетти — балдарды сапаттуу окутуу менен камсыздоону чечүүдө, деп белгилешет ведомстводо.
Санариптештирүү жана лицензиялоону жөнөкөйлөтүү
Кыргызстандын Билим берүү министринин орун басары Виктория Мозгачева «Кабар» агенттигине берген интервьюсунда тармакты санариптештирүү боюнча масштабдуу иштер жүрүп жатканын билдирди. Негизги өзгөрүүлөрдүн бири билим берүү уюмдарын лицензиялоо процессин жаңылоо болду.
Вице-министрдин билдирүүсүнө ылайык, документтерди тапшыруу процедурасы эми электрондук форматка өткөрүлдү. Бул зарыл болгон кагаздардын тизмесин кыскартууга жана билдирмелерди тапшыруу процессин жөнөкөйлөтүүгө мүмкүндүк берди.
Жеке сектор менен диалог
Министрлик мурда өз ара аракеттенүү маселелеринде кыйынчылыктар болгонун моюнга алды. Тактап айтканда, өтүмктүүлүктү туура эмес түшүнүүдөн улам өтүнмөлөрдү толтурууда кээде каталар кетишилген. Ишти максималдуу түрдө ыңгайлуу кылуу үчүн, мекеме жеке мектептердин жана бала бакчалардын өкүлдөрүн түз баарлашууга чакырат.
Келип чыккан маселелерди чечүү үчүн ишкерлер Билим берүү министрлигине консультациялар аркылуу, электрондук почта же телефон аркылуу түз кайрыла алышат.
Эгерде биздин жеке сектордогу кесиптештерибизде суроолор жаралса, алар бизге түз кайрылып, консультация алууга келе алышат же телефон, почта аркылуу байланыша алышат. Биз бул процессти максималдуу түрдө ыңгайлуу жана жеңил кылгыбыз келет.












