Ош облусундагы Араван районунун Төө-Моюн айыл аймагындагы эки мамлекеттик кызматкер пара талап кылуу айыбы менен кармалды. УКМКнын билдиришинче, алар өзгөчө ири суммадагы акчаны алып жаткан учурда кармалган.
Бул окуя Кылмыш-жаза кодексинин 343-беренеси боюнча кылмыш ишинин алкагында тергөө-ыкчам иш чараларынын жүрүшүндө аныкталган. Кызматкерлердин бири — Төө-Моюн айыл аймагынын жооптуу катчысы Г. У. А., экинчиси — башчысынын орун басары И. М. А.
Тергөөдө белгиленгендей, парадын максаты мурдатан бар болгон жер тилкесин бир жерден экинчисине которуу маселесин оң жыйынтыктоо болгон.
Азыркы учурда тергөө уландысы менен жүргүзүлүп жатат жана кылмышка катыштыгы болушу мүмкүн болгон башка адамдар такталып жатат.
