Таласта далил катары өткөн жүздөгөн форель жана канаттуулар жок кылынды — кылмыш иши козголду

Талас облустук прокуратурасы Кыргыз Республикасынын Жаратылыш ресурстары, экология жана техникалык көзөмөл министрлигинин Талас аймактык башкармалыгынын кызмат адамдарына каршы кылмыш ишин козгоду. Алар бир нече укук бузуу иштери боюнча алынган далил буюмдарды мыйзамсыз жок кылган деп айыпталууда.