Кыргыз Республикасынын Тышкы иштер министрлиги 18-июлда Орусиянын Москва жана Тамбов облустарындагы Wildberries логистикалык кампаларында болгон өрт тууралуу маалымат берди. Инцидентте бир кыргызстандык жаракат алганы билдирилди.
Орус компетенттик органдарынын маалыматы боюнча, курмандыктардын жана жаракат алгандардын бир бөлүгүнүн жарандыгы азырынча аныкталып жатат, анткени көпчүлүгүнүн документтери өрттө жанып кеткен.
Мурда КРнын Москвадагы элчилигине түн ичинде жумуш кезметинде болгон 2005-жылы туулган кыргызстандык О.А. деген жаран жоголгону тууралуу маалымат түшкөн. Кийинчерээк ал туугандары менен байланышып, жумуштан мурда чыгып кеткенин билдирген.
Ошондой эле элчиликке эвакуацияга үлгүрүшкөн, бирок жеке буюмдары менен документтерин жоготкон дагы эки кыргызстандык кайрылган. Аларга өлкөгө кайтуу үчүн зарыл болгон күбөлүктөрдү тариздетүүгө көмөк көрсөтүлүп жатат.
Элчилик Орусиянын тиешелүү органдары менен биргеликте иштерди улантып, жагдайды дагы да тактап жатат. Министрлик Wildberries компаниясынын чабуулга кабылган кампаларында иштеп, документсиз калган кыргызстандыктарга консулдук жардам алуу үчүн Орусиядагы КР элчилигине кайрылууну сунуштайт.
Азырынча комментарий жок. Биринчи болуңуз!
Жакшыраак сунуштарды алуу үчүн кириңиз
