Кыргызстандын эки ири көлүндө — Ысык-Көл жана Сон-Көлдө — балык уулоонун өнөр жайлык (промыслдык) түрүнө убактылуу тыюу салынды. Тиешелүү чечим Президенттин 2026-жылдын 17-июлунда кол койгон №261 жарлыгы менен бекитилди.
Айыл чарба министрлигинин маалыматына караганда, бул чара көлдөрдөгү балык запастарын сактап калуу жана андан ары көбөйтүү максатында көрүлүп жатат.
Мораторий убактылуу мүнөзгө ээ болуп, өкмөттүн балык чарбасын калыбына келтирүү боюнча саясатынын бир бөлүгү болуп саналат. Тыюу Ысык-Көл менен Сон-Көлдүн экосистемасына жана биологиялык баалуулугуна байланыштуу өзгөчө маани берилип жатканын көрсөтөт.
