Ысык-Көлдөн 7 чакырымдан ашык мыйзамсыз балык уулоочу тор алынды

Ысык-Көл облусунда өткөрүлгөн кезектеги рейддик иш-чаралардын жүрүшүндө Жаратылыш ресурстары, экология жана техникалык көзөмөл министрлигинин аймактык башкармалыгынын кызматкерлери көлдүн суусунан мыйзамсыз коюлган балык уулоочу торлорду тартып чыгарышты. Бул тууралуу ведомство маалымдады.

Иш-чаранын жыйынтыгында суу астынан жалпы узундугу 7,3 чакырым болгон эски синтетикалык тор алынган. Мындан тышкары, көлдүн жанындан жана айланасынан 130 килограмм тиричилик таштандысы чогултулуп, алынып кетилди.

Мыйзамсыз торлор Ысык-Көлдүн балык байлыгына жана экосистемасына түздөн-түз коркунуч жаратат, ошондуктан тиешелүү мамлекеттик орган мындай текшерүүлөрдү туруктуу түрдө өткөрүп турат.