Бишкек шаарындагы Жукеева-Пудовкина көчөсүнүн жашоочулары коомдук транспорттун маршрутунун өзгөрүшүнө нааразы болуп, автобустун №226 маршрутун мурдагыдай көчө аркылуу каттап баштоону талап кылышууда.
Тургундардын билдирүүсүндө, бул автобус бул көчө аркылуу жүргөн жалгыз маршрут болгон жана дайыма толуп тургандыктан, маршрутту жаңы аймакка көтөрүүнүн ордуна, транспорту көчөдөн алып салуу чечимин кабыл алышкан.
Мурда автобустун маршруту Байтик Баатыр көчөсүнөн Ахунбаева көчөсүнө бурулуп, андан кийин Жукеева-Пудовкина көчөсү аркылуу өтчү. Азыр болсо автобус Байтик Баатыр көчөсү менен түз жүрүп жатат.
Тургундар буга чейинки убакта да автобусту бул көчөдөн чыгарып, Юнусалиев көчөсүнө которуу аракеттери болгонун, бирок айрым тургундардын кол топтоп, бул чечимди токтотконун айтышууда.
Шаар жашоочулары мэриядан №226 автобустун алдынкы маршрутуна кайтарылып, көптөгөн тургундарга ыңгайлуу жана жеткиликтүү коомдук транспорт кызматы үзгүлтүккө учурабашы үчүн бул маселени кайра карап чыгууга чакырышты.
Жергиликтүү тургундар маалыматтар менен бөлүшүүнү кааласа, WhatsApp аркылуу 0555312024 номери менен байланышса болот.
