200 гектар жер ээленген жаңы аянтча Ак-Торпок айылында жайгашат. Парктын түзүлүшү регионду жаңы жумуш орундары жана бизнес үчүн инфраструктура менен камсыз кылат деп күтүлүүдө.
Райондун өнөр жайына инвестициялар
Мамлекет башчынын регионго сапары учурунда Моска районунун 2021–2026-жылдардагы социалдык-экономикалык өнүгүүсүнүн жыйынтыктары сунушталды. Атап айтканда, тамак-аш жана автоунаа өнөр жайы тармагында ишке ашырылган ири долбоорлор белгиленди.
Өнөр жай секторунан тышкары, райондо инфраструктуралык жана айыл чарба объекттери боюнча иштер жүрүп жатат. Негизги долбоорлордун бири — 1,2 млрд сомдук наркы бар, 2 миң гектардан ашык жерди сугарууга мүмкүндүк берүүчү он күндүк жөнгө салуучу Ак-Суу бассейнин куруу.
Келечектүү долбоорлор
Учурда бир катар башка демилгелердин ишке ашырылышы уланууда, анын ичинде «Радуга Корм» балыктар үчүн тоют чыгаруу заводу (437,5 млн сом), жалпы инвестициясынын көлөмү $40 млн түзүүчү майда ГЭСтер жана наркы $20 млн болгон геосинтетикалык каптамаларды чыгаруу ишканасы бар.
- «Таштан» фермердик чарбасы — $4 млн
- «Кыргызцентрпродукт» ишканасы — $3 млн (пландалган чыгаруу көлөмү — 20 миң бирдикке чейин)
