Бул форум Business & Innovation Alliance Kazakhstan & Kyrgyzstan альянсынын биринчи иш-чарасы болуп саналат. Анын негизги максаты — эки өлкөнүн компанияларына өнөктөштөрдү табууга, франшизаларды колдонууга жана коңшу рынокторго чыгууга көмөктөшүү.
Санариптик платформа жана эксперттик талкуулар
Уюштуруучулар альянстын атайын санариптик платформасын тааныштырышты. Бул платформа аркылуу ишкерлер, инвесторлор жана франчайзилер байланыштарды таап, рыноктогу абалды көзөмөлдөй алышат.
Форумдун алкагында ар түрдүү тармактар боюнча эксперттер өз докладтарын сунушташты:
- Казакстандын Кыргызстандагы өзгөчө жана ыйгарым укуктуу элчиси Абылкаир Скаков «Ишкердик таанышуудан биргелешкен долбоорлорго жана жаңы рынокторго чейин» деген темада сүйлөдү.
- «Атамекен» Улуттук ишкерлер палатасынын чакан жана орто бизнести өнүктүрүү комитетинин жана Борбордук Азия франчайзинг ассоциациясынын жетекчиси Гүлбану Майгарина франшизаны өсүү стратегиясы катары карап чыкты.
- Appazov Brand Consulting негиздөөчүсү жана СЕОсу Станислав Аппазов бренддердин жаңы рыноктордо ийгиликке жетүү формулалары тууралуу айтып берди.
- AITIM Group IT-холдингинин негиздөөчүсү жана WeFund Ventures венчурдук фондунун башкы өнөктөшү Тимур Тиленов технологиялар жана венчурдук инвестициялар тууралуу сүйлөдү.
- IT-оболугу Марат Шакен IT-рынок тууралуу маалымат берди.
Контекст
KG-KZ Business Day форуму Кыргызстан менен Казакстандын ортосундагы экономикалык байланыштарды чыңдоо жана жаңы бизнес мүмкүнчүлүктөрүн ачуу үчүн багытталган.










