Марс Сариев ШОСтун Бишкек саммитинин маанилүүлүгү тууралуу ИА «Кабарга» интервью берди. Ал азыркы геосаясий шарттарда уюмдун маңызы күчөгөнүн, коопсуздукту жана экономиканы бириктирген жаңы багытка өтүп жатканын белгиледи.
ШОС негизинен терроризм, экстремизм жана сепаратизм менен күрөшүү үчүн түзүлгөн болсо, азыр ал Евразиядагы кеңири кызматташтык платформасына айланды.
Саммитке 20дан ашык мамлекеттин лидерлери катышат. Уюмдун мааниси өсүүдө жана ага кызыккан өлкөлөрдүн саны көбөйүүдө. Коопсуздук, соода, экономика, транспорт, энергетика, санариптештирүү жана гуманитардык кызматташтык маселелери күн тартибиндеги негизги темалар болуп саналат.
Сариев Кыргызстанды Евразиядагы логистикалык транзиттик борбор катары баалап, Кытай–Кыргызстан темир жолу сыяктуу ири инфраструктуралык долбоорлордун маанисин белгиледи.
Бул өз ара аракеттенүү Евразиянын туруктуу өнүгүүсүнө чоң салым кошот жана аймактагы геосаясий кырдаалды стабилдештирүүгө көмөк көрсөтөт.
