Жети-Огуз районунда, Барскоон айылынан баштала турган «Барскоон – Бедел» жаңы жолдун курулушу активдүү жүрүүдө. Бул жол Кытайдын чек ара аймагындагы «Бедел» өткөрмө пунктуна жетүү үчүн колдонулат.
Жалпы узундугу 161,4 чакырымды түзгөн бул жолдо 50 көпүрө жана Сөөк менен Ашуу-Суу аттуу 2 тоннель бар.
China Road and Bridge Corporation компаниясынын КРдагы өкүлчүлүгүнүн баштапкы директорунун орун басары Цай Юйдун айтымында, бул долбоор 2023-жылы Кыргызстандын жана Кытайдын президенттери тарабынан талкууланып, 2025-жылы август айында курулуш башталган.
2026-жылы жолдун топурак иштерин бүткөрүү пландалып, 2027-жылдан баштап асфальтобетон төшөлөт. 2029-жылдын аягына чейин курулуш толук бүтүп, 2030-жылдын соңунда жол эксплуатацияга берилмекчи.
Tazabek басылмасынын эсептөөлөрүнө ылайык, жаңы маршрут Бишкек менен Кытай чек арасы аралыгын 476,1 чакырымга кыскартат. Мындан мурдагы жолдордун узундугу: Торугарт өткөрмө пунктуна чейин 539 чакырым, Иркештамга чейин 913 чакырым.
Жолдун негизги параметрлери
