Санариптик экономиканы жана жасалма интеллектти өнүктүрүү боюнча форумда сүйлөгөн Михаил Новоселов банктар криптоактивдерди өз баланста кантип эсептөө керектигин билбейт деп белгиледи. Мындан тышкары, мындай активдерге карата тобокелдиктер боюнча талаптар өтө жогору.
Эсептөөдөгү маселелер жана Базель стандарттары
Адистин түшүндүрмөсүнө караганда, эгерде криптоактивдер мүлк катары таанылса, алар материалдык эмес активдер категориясына кирет жана алардын баасы бир гана төмөндөшү мүмкүн. Бул крипто валюталардын реалдуу динамикасын чагылдырбайт, бирок Базель стандарттары мындай активдерге карата өтө катуу талаптарды коюшат.
Учурдагы кырдаалда банктын кардары банктык инфраструктурадан чыгып, алмаштыргычтарды же кошумча каттоодон өтүүнү талап кылган биржаларды колдонууга мажбур болууда. Кээ бир учурларда, мамлекет ичинде операция жасоодон көрө, лицензиясы жок болсо да, эл аралык биржаларга өтүү оңой болуп жатат.
Жөнгө салууну бирдиктүү кылуу зарылчылыгы
Кыргызстанда адамдар криптоактивдерге даяр, бирок аларга жетүү татаал бойдон калууда. Бул маселени чечүү үчүн мамлекеттик оргаттардын ортосунда бирдиктүү механизм түзүү керек.
- Улуттук банк (банктарды жөнгө салат)
- НАВА
- Мамлекеттик финансылык көзөмөл кызматы (банк эмес финансылык уюмдарды жөнгө салат)
Михаил Новоселовдун айтымында, бул үч мекеменин ортосунда жөнгө салууну жана колдонуучуларды каттоо процессин унификациялоо зарыл, болбосо адамдар үчүн криптодогу жол өтө татаал бойдон кала берет.






