Кыргызстанда 2025-жылдын жыйынтыгы менен байланыш кызматтарынын наркы 39,5 млрд сомго жетти, бул 2024-жылга карата 3,3 млрд сомго же 8%га көп болгон. Бул тууралуу Улуттук статистика комитетинин маалымат технологиялары, туризм, соода жана кызмат көрсөтүүлөр башкармалыгынын башчысы Люксина Текеева билдирди.
2021-жыл менен салыштырганда байланыш кызматтарынын көлөмү болжол менен 14 млрд сомго өскөн.
Кызматтардын бөлүштүрүлүшү
2025-жылы байланыш кызматарынын ичинен интернетке кирүү ээ болгон көлөмү болжол менен 21 млрд сомду же 53%ды түздү. Мобилдик жана технологиялык байланыш кызматтары 17 млрд сомго же 43%га жакын болду.
Радио жана телекөрсөтүү, анын ичинде кабелдик телевидение кызматтары жалпы көлөмдүн болжол менен 2%сын түзсө, телефон аркылуу байланыш (статсионар жана шаар аралык) 1%дан аз калды.
Бул көрсөткүчтөргө ылайык, кызматтардын 80%дан ашыгы, болжол менен 32 млрд сом, калкка көрсөтүлгөн.
2026-жылдын биринчи жарым жылдыгында байланыш кызматтарынын көлөмү 21 млрд сомду түзүп, алдынкы жылдын ушул мезгилине карата 7,4%га же 2 млрд сомго көбөйдү.
