Кыргызстанда акыркы үч жыл ичинде вирустук гепатиттин 75,8 миңден ашуун учуру аныкталды. Бул тууралуу Гемоконтакттык вирустук гепатиттерди жана ВИЧти контролдоо борборунун директору Умуткан Чокморова билдирди.
Анын айтымында, оң натыйжасы бар бардык эле бейтаптарга дароо дарылоо дайындалбайт. Эгерде кандагы вирустун саны аз болсо, организм инфекцияны өз алдынча басаңдата алгандыктан, дарыгерлер терапияны баштабай коюшу мүмкүн. Бүгүнкү күндө 41,3 миңге жакын адам дарыланып жатат.
Ошол эле учурда, бул мезгил аралыгында С гепатити менен ооруган 7,2 миңге жакын бейтап айыккан. Дары-дармектерди үч ай кабыл алгандан кийин вирус жүгү азайып, бейтап толугу менен сакайып кеткен.
Чокморова ошондой эле В, С жана D гепатиттери чогуу болушу мүмкүн экенин кошумчалады. Мында D гепатити В гепатити болгондо гана өнүгө алат. Анын айтымында, бейтаптарда бир эле учурда вирустук гепатиттин бир нече түрү — В, С жана D аныкталган учурлар кездешет.
Азырынча комментарий жок. Биринчи болуңуз!
Жакшыраак сунуштарды алуу үчүн кириңиз
