Кыргыз Республикасынын Өзгөчө кырдаалдар министрлигине караштуу Гидрометеорология кызматынын директору Даурбек Сакыевдин айтымында, акыркы жетимиш жылда өлкөнүн аймагындагы мөңгүлөрдүн 16 пайызы ээрип кеткен. Бул маалымат мөңгүлөрдүн эришинин ылдамдыгын көрсөтүп турат.
Ошол эле учурда, адистердин болжолдоосу боюнча, кийинки жетимиш жыл ичинде Кыргызстандагы мөңгүлөр өз аянтынын 30 пайызга чейин жоготушу мүмкүн. Бул суу ресурстарынын азайышына жана климаттын өзгөрүшүнө алып келе турган олуттуу көйгөй катары каралууда.
