Чүй облусуна жасаган жумушчу визитинин жүрүшүндө мамлекет башчы Кант шаарынын жана Ысык-Ата районунун тургундары менен жолукту.
Участкотторду мыйзамсыз тариздөө маселеси
Эң курч темалардын бири жер жана мүлктүк талаш-тартыштар болуп калды. Президент Садыр Жапаровдун айтымында, жарандардын кайрылууларынын басымдуу бөлүгү жасалма документтерди колдонуу менен жер участокторун сатып алуудагы алдамчылыктар менен байланыштуу.
Кырдаалды оңдоо үчүн Садыр Жапаров Президенттин Администрациясына тиешелүү ведомстволор менен биргеликте комплекстүү иштерди жүргүзүүнү тапшырды. Максат — эки жылдын ичинде жерлерди мыйзамсыз тариздөө жана сатып алуудан улам келип чыккан укуктук жана мүлктүк карама-каршылыктарды толугу менен четтетүү.
Контекст
Жолугушуу Кыргызстандын Президентинин Чүй облусу боюнча жумушчу сапарынын алкагында 7-ноябрда өттү.
