Кыргызстандын президенти Садыр Жапаров өлкөнүн жерлери сатылбай турганын, алар элдин пайдасына иштеши керектигин билдирип, бул тууралуу коомчулукка кайрылды.
Жапаровдун маалыматы боюнча, мамлекеттин чектерин тактоодон кийин Кыргызстандын аймагы 15 572 гектарга көбөйүп, жалпы аянты 20 миллиондон ашык гектарды түзөт. Анын 94,4 пайызын тоолуу аймактар түзөт.
Өлкөдө жалпы айыл чарба аянты 6,732 миллион гектар болсо, мамлекеттик жана муниципалдык менчиктеги жерлер 18,698 миллион гектарды түзөт.
Президенттин айтымында, инвестициялык долбоорлор үчүн бөлүнгөн жер тилкелери көбүнчө фабрикаларды, өнөр жай объектилерин, логистика борборлорун, энергетика жана туризм тармактарын куруу максатында берилген.
Бул долбоорлор жүз миллиондогон, кээде миллиарддаган долларлык инвестицияларды тартуу менен миңдеген жумушчу орундарды түзүшү күтүлгөн.
Бирок көпчүлүк жердин ижарачылары 49 жылдык мөөнөткө алган жерлерде курулуш же ишке кирүүсүн жүргүзүшкөн эмес, айрым учурларда жер тилкелери кайра сатыкка чыгарылып же башка максаттарда колдонулган.
Ошондуктан, Жапаров мыйзамдарды кайра карап чыгып, инвесторлор өз милдеттерин аткарбаса, келишимдер токтотулуп, жер мамлекетке кайтарылышы керектигин баса белгиледи.
